मलेसियामा म्यान्चेस्टर युनाईटेडको हारले दिएको सन्देश
ब्राटिस्लाभा । इङ्लिस प्रिमियर लिग (ईपीएल) को २० पटकको च्याम्पियन, युरोपको पूर्व च्याम्पियन साथै युरोप ल लन्डनमा खेलिने अन्य लिगको बिजेता बनिसकेको म्यान्चेस्टर युनाइटेडले पछिल्लो केही सिजनमा आफ्नो त्यो अद्भूत गतिलाई कायम गर्न नसक्दा हार र निराशाको शृङ्खलालाई कायम राखेको छ ।
ईपीएलको यो सिजन १५ औं स्थानमा खुम्चिएर दक्षिणपूर्वी एसिया भ्रमणमा निस्केको रुबेन अमोरिमको टोलिले एसिया अल स्टार -११ सामु मलेसियाको क्वालालम्पुरमा निराशाजनक प्रदर्शन गर्दै हार बेहोर्नुपर्यो ।
दक्षिणपूर्वी एसियाका फुटबल स्टार मिलेर बनेको टोलीसामु युनाइटेडको फितलो प्रदर्शले १-० को हार बेहोरेपछि उस्को `पोस्ट सिजन भिजिट ´ पहिलो गाँसमा नै ढुंगा सावित भएको छ । प्रिमियर लिगको यो सिजन आफ्नो छविभन्दा निकै तल्लो स्तरको प्रदर्शन गरेर आलोचना खेपेको युनाइटेडले नयाँ सिजन सुरू हुनुभन्दा अघि गरेको एसिया भ्रमण, त्यो पनि विश्वस्तरीय खेलाडीसहितको टोलीले फुटबलमा उतिसारो बलियो नमानिएको दक्षिणपूर्वी एसियाको टीमसँग हार्नुले अबको सिजन युनाइटेडलाई थप गार्हो पर्ने होकि भन्ने शंका गर्ने ठाउँ बढेको छ ।
थाई लिग १ क्लब लाम्फुन वारियर्सका विंगर माउङ माउङ ल्विनले दोस्रो हाफमा गोल गर्दै अल स्टारालाई जिताएपछि म्यानयुका प्रशिक्षक र खेलाडीमा निराशापन छाएको देखिन्थ्यो ।
‘म सधैँ दोषी महसुस गर्छु, मैले अन्तिम खेलमा त्यो भनेको थिएँ । म सधैँ टोलीको प्रदर्शनको लागि दोषी छु,’ म्यान युनाइटेडका प्रशिक्षक अमोरिमले फ्यानहरूको प्रतिक्रियाबारे भनेँ, ‘म दोषी छु ।’
त्यसपछि फ्यानहरूबाट आएको हाँसो भनेको हामीलाई चाहिने कुरा हो किनभने हामीले प्रिमियर लिगमा हरेक खेल हार्यौं, तिनीहरू सधैँ त्यहाँ थिए । त्यसैले यो यस्तो छ कि यदि उनीहरूले हेर्ने खेल्ने तरिका काम गरिरहेको छैन भने, तिनीहरूले आफ्नो व्यवहार परिवर्तन गर्नेछन् ।’
‘अवश्य पनि, हामीले राम्रो प्रदर्शन गर्नुपर्छ । हामी ढिलो थियौँ र प्रशिक्षण र हरेक खेलमा हरेक अभ्यास जित्नको लागि हामीमा यो क्षमता हुनुपर्छ । तर महत्त्वपूर्ण कुरा हामीलाई कुनै चोटपटक लागेन । केही खेलाडीहरू जोखिममा थिए तर हामी सबै फ्यानहरूलाई सम्मान गर्न चाहन्थ्यौं, सबै खेलाडीहरूलाई खेलमा राख्यौं’, अमोरिमले थपे ।
उनले आउँदो सिजनमा खेलमा व्यापक सुधार गर्दै टीमलाई पहिलेकै हैसियतमा लैजाने बताए ।
गत मे २१ मा टोटनह्याम्पसङ्ग युरोपा लिगको फाइनलमा पराजित हुँदै यो सिजन रित्तो हात बनेको युनाइटेडको लागि आगामी सिजनको तयारीको लागि भएको भ्रमणको पहिलो खेलनै हारबाट सुरु गर्नु परेपछि उनीहरू दु:खी देखिएका थिए ।
प्रशिक्षकले घुमाउरो भाषामा आफूहरूमा कमजोरी रहेको र ती कमजोरीलाई पत्ता लगाएर सुधार गर्दै आउँदो सिजनलाई सुखद बनाउने बताएका छ्न ।