रियल म्याड्रिड चौथो पटक विश्वकै मूल्यवान क्लबको सूचीमा, अन्यको स्थान कहाँ ?

काठमाडौं । फोर्ब्सको प्रतिवेदन अनुसार, स्पेनी ला लिगा क्लब रियल म्याड्रिड ले चौथो वर्षसम्म पनि आफ्नो विश्वकै सर्वाधिक मूल्यवान फुटबल क्लबको उपाधि कायम राखेको छ । क्लबको मौज्दात मूल्य ६.७५ अर्ब अमेरिकी डलर (लगभग ९० अर्ब १७ करोड नेपाली रुपैयाँ) रहेको फोर्ब्सले उल्लेख गरेको छ ।

क्लबले यसअघि नै इतिहास रचेको थियो । रियल म्याड्रिड नै एक मात्र फुटबल क्लब हो जसले २०२३-२४ को सिजनमा रिकर्ड १.१३ अर्ब अमेरिकी डलर (लगभग १५१ अर्ब नेपाली रुपैयाँ) आम्दानी गर्दै एक वर्षभित्र नै अर्बौं डलर कमाउने उपलब्धी हासिल गरेको छ। फोर्ब्सले शुक्रबार प्रकाशित प्रतिवेदनमा यसको उल्लेख गरेको छ ।

यसअघि नै डेलोइटले पनि घोषणा गरेको थियो कि स्पेनी क्लब एक सिजनभरिमा १ अर्ब युरो (१.०४ अर्ब अमेरिकी डलर) आम्दानी गर्ने विश्वको पहिलो फुटबल टिम बनेको छ। अमेरिकी एनएफएल क्लब डलास काउबॉयज पछि दस अंकीय (विलियन) आम्दानी गर्ने रियल म्याड्रिड इतिहासको दोस्रो खेलकुद टीम हो ।

म्यानचेस्टर युनाइटेड दोस्रो स्थानमा छ । इङ्गलिस क्लबको मूल्यांकन ६.६ अर्ब अमेरिकी डलर (लगभग ८८ अर्ब नेपाली रुपैयाँ) रहेको छ। यद्यपि, क्लबले २०२३-२४ सिजनमा प्रिमियर लिगमा निराशाजनक आठौं स्थान बनाए पनि, उनीहरूले ८३.४ करोड अमेरिकी डलर (लगभग ११.१३ अर्ब नेपाली रुपैयाँ) आम्दानी गर्न सफल भएका छन् ।

अन्य प्रमुख क्लबहरू:

• तेश्रो: बार्सिलोना (मूल्य: ५.६५ अर्ब अमेरिकी डलर)
• चौथो: लिभरपुल
• पाँचौं: म्यानचेस्टर सिटी

फोर्ब्सको शीर्ष १० मा प्रिमियर लिगको दबदबा:

फोर्ब्सको शीर्ष १० सर्वाधिक मूल्यवान टिमहरूमा छवटा प्रिमियर लिग क्लबहरू सामेल छन्। बायर्न म्युनिख (जर्मनी) र पेरिस सेन्ट-जर्मेन (फ्रान्स) पछि आर्सनल, टोटनह्याम हट्सपर र चेल्सी ले पनि सूचीमा आफ्नो स्थान बनाएका छन् ।

फोर्ब्सको प्रतिवेदन अनुसार, “विश्वका ३० सबैभन्दा मूल्यवान फुटबल टीमहरूको जम्मा मूल्य ७२ अर्ब अमेरिकी डलर (लगभग ९६० अर्ब नेपाली रुपैयाँ) भन्दा बढी छ, जुन टिम प्रति औसत २.४ अर्ब अमेरिकी डलर (लगभग ३२ अर्ब नेपाली रुपैयाँ) बन्छ। यो गत वर्षको रेकर्ड २.२६ अर्ब डलर भन्दा ५ प्रतिशतले बढी हो।”