युरोपको तीनै उपाधि जित्ने पहिलो क्लब बन्यो चेल्सी
युरोप । रियल बेटिसलाई पराजित गर्दै इङ्लिस क्लब चेल्सीले युएफए कनफरेन्स लिगको उपाधि जितेको छ ।
ब्रोकलामा भएको फाइनल खेलमा उपाधि विजेता चेल्सीले बोटिस माथि ४-१ को जित निकाल्यो ।
खेलको सुरुवातमै १-० ले पछि परेको अवस्थालाई उल्ट्याउँदै चेल्सीले ४-१ को पुनरागमन जित निकालेको हो ।
खेलको ६५ औँ मिनेटसम्म पछि परेको अवस्थामा एनजो फर्नान्डेसले गोल गरेपछि चेल्सीले आफूलाई खेलमा फर्काउन सक्यो ।
त्यसपछि निकोलस ज्याक्सन, जाडोन सान्चो र मोइसेस काइसेडोले गोल गर्दै चेल्सीलाई उपाधि जिताए ।
यो सङ्गै चेल्सी युरोपका तीन प्रमुख ट्रफी जित्ने पहिलो टोली बनेको छ । उसले यस अघि युरोपको प्रतिष्ठित च्याम्पियन्स लिग र युरोपा लिगको उपाधि जितिसकेको थियो । यो सिजन कन्फरेन्स लिग जितेर उसले एउटा दुर्लभ रेकर्ड कायम गरेको हो ।
जितपछि चेल्सीका प्रशिक्षक एन्जो मरेस्काले चेल्सी यो जितको साँच्चै हकदार रहेको बताए ।
उनले भने, ‘म धेरै कारणले धेरै गर्व गर्छु र धेरै खुसी छु। व्यक्तिगत रूपमा मलाई राम्रो लाग्छ तर फ्यानहरू पनि जुन यसको हकदार छन्, उनीहरूले केही वर्षदेखि यसको लागि पर्खिरहेका थिए, त्यसैले तिनीहरू यसको हकदार छन्।