मोड्रिच र अन्चेलोट्टीको ऐतिहासिक बिदाइ, स्यान्टियागो बर्नाबेउमा भावुक क्षण

मेड्रिड । स्पेनको राजधानीस्थित स्यान्टियागो बर्नाबेउ रंगशालामा शनिबार एक युगको अन्त्य भएको छ।रियल म्याड्रिड क्लबका दुई महान हस्ती—क्रोएसियन मिड फिल्डर लुका मोड्रिच र इटालियन प्रशिक्षक कार्लो अन्चेलोट्टीले आफ्नो अन्तिम घरेलु खेल खेलेका छन्।

लालिगाको ३८औं तथा अन्तिम चरणमा रियल म्याड्रिडले रियल सोसिडाडको सामना गर्दा मैदानभित्रको प्रतिस्पर्धाभन्दा बाहिरको भावनाले प्रशंसकहरूको हृदय छोएको थियो।

मोड्रिच सन्२०१२ मा टोटन ह्याम हट्स्परबाट रियल म्याड्रिडमा आवद्ध भएका थिए।त्यसपछि उनले क्लबका लागि १३वर्षमा ५९०भन्दा बढी खेल खेलेर २८ उपाधि जितेका छन्।ती उपाधिहरूमा ६युरोपियन कप, ६क्लब विश्वकप, ५ युरोपियन सुपरकप, ४ लालिगा, २ कोपा डेलरे र ५ स्पेनिस सुपर कप छन्।

२०१८ मा उनले बलोन डि ओर जितेर फुटबल इतिहासमा आफ्नो नाम झनै अमर बनाएका थिए।यो खेलपछि उनले आगामी क्लब विश्वकपपछि आधिकारिक रूपमा रियल म्याड्रिडबाट बिदा लिने घोषणा गरेका छन्।

यता प्रशिक्षक कार्लो अन्चेलोट्टीले पनि बर्नाबेउमा अन्तिम पटक टचलाइनमा उभिए।दुई कार्यकालमा उनले १५उपाधि जिते, जसमा ३युरोपियन कप, ३ क्लब विश्वकप, ३ युरोपियन सुपर कप, २ लालिगा, २ कोपा डेलरे र २स्पेनिस सुपर कप समावेश छन्।अन्चेलोट्टी अब ब्राजिलको राष्ट्रिय टोलीको प्रशिक्षकको रूपमा नयाँ अध्याय सुरु गर्ने तयारीमा छन्।

खेलका क्रममा ३७औं मिनेटमा किलियन एमबाप्पेले पेनाल्टीमार्फत रियल म्याड्रिडलाई अग्रता दिलाएका थिए।यद्यपि, खेलको नतिजाभन्दा पनि ध्यान मोड्रिच र अन्चेलोट्टीको बिदाइमा केन्द्रित थियो। मैदानको केन्द्रमा मोड्रिचको नाम र नम्बर १०अंकित विशाल जर्सी बनाइएको थियो भने दर्शकदीर्घामा ‘न्चबअष्बक ऋबचभिततय’ लेखिएको ब्यानर प्रदर्शन गरिएको थियो।

खेलपछि आयोजित बिदाइ कार्यक्रममा दुवै व्यक्तित्वलाई भावुक सम्मान प्रदान गरियो। रंगशालाभरि उपस्थित दर्शकहरूले उभिएर ताली बजाउँदै बिदा गरे।मोड्रिचले संक्षिप्त मन्तव्य दिँदै भने, “म पूर्ण हृदयले बिदा लिन्छु — गर्व, कृतज्ञतारअविस्मरणीय सम्झनाहरूले भरिएको।”

यो खेल केवल लालिगाको अन्तिम खेलमात्र थिएन, यो एक युगको अन्त्य थियो।मोड्रिच र अन्चेलोट्टीको योगदान क्लबका लागिअमूल्य छ र उनीहरूको नाम र स्मृति सधैं बर्नाबेउका प्रत्येक कुना(कुना र समर्थकको हृदयमा जीवित रहनेछ।