विक्रम पाण्डेको चेतावनी- चैत १५ गते भएको आन्दोलन ट्रेलर मात्रै हो, अगाडि फिल्म देखाउन नपरोस् (भिडिओ)
काठमाडौं । राप्रपाका सांसद विक्रम पाण्डेले चैत १५ गते भएको आन्दोलन ट्रेलर मात्रै भएको बताएका छन् । प्रतिनिधि सभाको बैठकमा बोल्दै जनताले प्रदूषित भइसकेको गणतन्त्र नखोजेको बताए ।
उनले भने, ‘केही सांसदहरूले गएको राजसंस्था अब आउँदैन भन्ने कुरा राख्नुभयो। बागमतीजस्तै अविरल र कञ्चन बगेर जाने नदीजस्तो हो गणतन्त्र भन्ने कुरा गर्नुभएको छ। जनताहरूले प्रदूषित नभएको खोजेका हुन्। यस्तो खालको गणतन्त्र खोजेका होइनन्। १५ गते आन्दोलनको ट्रेलर मात्रै हो भन्ने कुरा गणतन्त्रले नै देखाएको हो। त्यो भन्दा अगाडि फिल्म देखाउने काम नगरोस्।’
उनले देशको अहिलेको भद्रगोल अवस्था गणतन्त्रले नै पुर्याएको आरोप लगाए।