एस्टन भिल्लाको च्याम्पियन लिग खेल्ने सम्भावना जीवितै

हेटौंडा । इङ्लिस प्रिमियर लिग (ईपीएल)को ३५औं चरणको खेल समाप्त हुँदा एस्टन भिल्लाले आगामी सिजन च्याम्पियन्स लिग खेल्ने सम्भावनालाई जीवित राखेको छ ।

शनिबार साँझ सम्पन्न खेलमा फुलहमलाई १-० ले पराजित गर्दै भिल्लाले आगामी खेलमा च्याम्पियन्स लिग खेल्ने आफ्नो सम्भावनालाई जीवित राखेको हो ।

३५औं खेल सम्पन्न हुँदा एस्टन भिल्लाले ६० अङ्कसहित सातौं स्थान कायम गरेको छ । फुलहमले भने ५१ अङ्कसहित आठौं स्थान कायम गरेको छ ।

यो सिजन लिभरपुल लिग च्याम्पियन भैसकेको छ । च्याम्पियन्स लिगको लागि आर्सनल, म्यान्चेस्टर सिटी, न्युक्यास्टल, चेल्सी, नटिङ्घम फरेस्ट र एस्टन भिल्लामध्ये चार टोली प्रतिस्पर्धामा छन् ।