काठमाडौं । नेपाली यु–१९ टोलीका प्रशिक्षक शक्ति गौचनले वर्षाका कारण गोल्डेन चान्स मिस भएको बताएका छन् । खेल रद्द भएपछि सञ्चारकर्मीसँग कुरा गर्दै प्रशिक्षक गौचनले वर्षाका कारण विश्वकपमा छनोट हुने अवसर गुमाएको बताएका हुन् ।
वर्षापछि मैदानमा पानी जम्दा नेपाल र अफगानिस्तानबिचको खेल रद्द भएको थियो । खेल रद्द हुँदा नेपाल विश्वकप छनोट हुन असफल भयो ।
प्रशिक्षक गौचनले अफगानिस्तानसँगको खेलअघि हराउन सक्छौ भन्ने विश्वास रहेको सुनाए । ‘यसअघि भएको शृंखलामा राम्रो कमब्याक गरेको थियौं, हराउन सक्छौं भन्ने थियो,’ उनले भने ।
भाग्यले साथ नदिँदा विश्वकप खेल्ने सपना पूरा नभएको गौचनले बताए ।