रुपन्देही । कपिलवस्तुको बाणगंगा बहुमुखी क्याम्पस लौगाइमा अनेरास्ववियुको प्यानल नै निर्वाचित भएको छ । मंगलबार राति सकिएको मतगणनाअनुसार क्याम्पसको स्ववियु सभापतिसहित अन्य पदमा अनेरास्ववियुको प्यानलै विजयी भएको हो ।
क्याम्पस स्ववियु सभापतिमा अनेरास्वयवियुका शिव शर्मा (शिशिर) निर्वाचित भएका छन् भने सचिवमा प्रदीप पौडेल र कोषाध्यक्षमा ममता थारु निर्वाचित भएका हुन् । यस्तै सदस्यहरुमा निर्मला सुनार, जीवन रायमाझी, पुष्पा घिमिरे, अन्जु कंडेल र रजनी विश्वकर्मा निर्वाचित भएका छन् ।