सांसद दिपक बोहराको निधनमा शोक प्रस्ताव पारित (भिडिओ)

काठमाडौं । प्रतिनिधिसभाको बैठकले सांसद दिपक बोहराको निधनप्रति शोक प्रस्ताव पारित गरेको छ ।

मंगलबार बसेको बैठकमा सभामुख देवराज घिमिरेले प्रस्तुत गरेको शोक प्रस्तावलाई बैठकको सर्वसम्मतले पारित गरेको हो । बैठकले स्वर्गीय बोहराको निधनप्रति शोक व्यक्त गर्दै श्रद्धाञ्जली अर्पण गर्नुका साथै परिवारजनमा गहिरो समवेदना प्रकट गरेको छ । बैठकमा मौनधारणसमेत गरिएको थियो ।

बोहरा राप्रपाका तर्फबाट रुपन्देही-३ बाट प्रतिनिधिसभा सदस्यमा निर्वाचित सांसद हुन् । पूर्वमन्त्रीसमेत रहेका बोहराको ७४ वर्षको उमेरमा मंगलबार ओम अस्पतालमा निधन भएको हो ।