हेटौँडा । आफ्नो स्टार खेलाडी केलियन एम्बाप्पेले रेडकार्ड खाएको खेलमा रियल मड्रिडले अल्भेस विरुद्ध जित निकाल्दै लिग लिडर बार्सिलोनासँग अंकदूरी कम गरेको छ ।
स्पेनिस ला-लिगाको आइतबार सम्पन्न खेलमा रियलले आल्भेसलाई १-० ले पराजित गरेको हो । खेलमा एम्बाप्पेलाई ३८ औँ मिनेटमा रातो कार्ड दिइएको थियो । उनी खराब फाउलको सिकार भएका थिए । कार्डपछि उनले अप्रिल २६ मा बार्सिलोनाविरुद्ध हुने एल क्लासिको गुमाउनेछन् ।
रियाललाई जिताउन इडुआर्डो कामाभिन्गाले ३४औँ मिनेटमा गोल गरेका थिए । ७०औँ मिनेटमा घरेलु टोली डिपोर्टिभो अलाभेसका मुना सान्चेजले पनि रातो कार्ड पाएपछि दुवै टिम १० खेलाडीमा सीमित भएका थिए ।
जितपछि समान खेलबाट बार्सिलोना ७० अंक जोडेर शीर्ष स्थानमा छ ।