सुर्खेत । मध्यपश्चिम विश्वविद्यालयअन्तर्गत विद्यापुर जनता बहुमुखी क्याम्पसको स्वतन्त्र विद्यार्थी युनियन (स्ववियु) निर्वाचनको परिणाम सार्वजनिक भएको छ।
सभापति पदमा नेपाली कांग्रेस निकट नेपाल विद्यार्थी संघ (नेविसंघ) का चेतन नेपाली १५३ मत ल्याउँदै विजयी भएका छन्।
उनका प्रतिस्पर्धी अखिल क्रान्तिकारीका जनक बिष्ट १३६ मतमै रोकिए।
सचिव पदमा अनेरास्ववियुका हार्दिक भण्डारीले १५६ मत ल्याउँदै जित हात पारे भने नेविसंघकी शिक्षा थापा १३२ मतका साथ दोस्रो स्थानमा रहिन्।
कोषाध्यक्ष पदमा पनि नेविसंघकै वर्चस्व देखियो। कल्पना कुमारी थापाले १५२ मत ल्याउँदै विजयी भइन् भने अनेरास्ववियुकी अस्मिता कडेल १३४ मतमै सीमित रहिन्।
सदस्य पदमा नेविसंघका दिलीप माझी (१३९ मत) र बिमल शाक्य (१३७ मत) निर्वाचित भए। उनका प्रतिस्पर्धी डम्मर खत्रीले १३२ र राजेन्द्र सुनारले ११५ मत पाए।
क्याम्पसका कुल ३४० मतदाता रहेकोमा २९७ मत खसेको थियो।