काठमाडौं । यस वर्षको स्वतन्त्र विद्यार्थी युनियन निर्वाचनमा निर्विरोधदेखि निर्वाचितसम्मको संख्यामा एमाले निकट अनेरास्ववियुले आफ्नो अग्रता कायमै राखेको छ ।
त्रिभुवन विश्वविद्यालयका आंगिक क्याम्पसमध्ये हालसम्म ११ वटामा स्ववियु सभापति जितेकाे अनेरास्ववियुले यसअघि जितेका महाराजगञ्ज मेडिसिन, नर्सिङ र जनप्रशासन क्याम्पस गुमाएको छ ।
यसअघि पराजित भएको वन विज्ञान, नेपालगञ्ज नर्सिङलगायतका क्याम्पसमा कमब्याक गर्दा अखिलले जित्ने गरेका ठूला क्याम्पस आरआर, नेपाल ल, अमृत साइन्स, पृथ्वीनारायण पोखरा, बुटवल बहुमुखीलगायतको चुनाव स्थगित छ ।
२०७९ को स्ववियु निर्वाचनमा १९ आंगिक क्याम्पसमा सभापति जितेको अनेरास्ववियुले मंगलबार निर्वाचन भएकामध्ये हालसम्म ११ वटामा सभापति जितेको छ । दिउँसो २ बजेसम्म नेपालगञ्जस्थित महेन्द्र बहुमुखी क्याम्पसमा अखिलको प्यानलले जितेको छ ।
अनेरास्ववियुले आंगिकतर्फ महेन्द्ररत्न इलाम, धनकुटा बहुमुखी, गौरदह कृषि, महेन्द्र रत्न ताहाचल, नेपाल कमर्स क्याम्पस, वन विज्ञान पोखरा, नर्सिङ पोखरा, महेन्द्र बहुमुखी नेपालगञ्ज, नेपालगञ्ज नर्सिङमा सभापति जितेको छ । त्यस्तै ललितकला क्याम्पस काठमाडौं र मकवानपुर बहुमुखीको सभापति अखिलले जितेको छ ।
अनेरास्ववियुले जितेका क्याम्पस र सभापति यस प्रकार छन्-
