काठमाडौं । नेपाली कांग्रेसका नेता विमलेन्द्र निधिले नेपालमा अब कुनै हालतमा राजतन्त्र नफर्किने बताएका छन्।
प्रतिनिधि सभाको बैठकमा बोल्दै राजावादीहरूलाई गणतन्त्रको जग त्यति कमजोर नठान्ने चेतावनी दिए।
उनले भने, ‘कुनै पनि राजतन्त्र फर्किँदैन। जनताले त्यो चाहेको छैन। रुचाउँदैनन् पनि त्यसको लागि हामी जे पनि गर्न तयार छौँ। यो हेक्का रहोस्। देशी विदेशी साधु सन्तले नेपालमा यो आउँछ त्यो आउँछ भनेको भरमा कसैले सोच्छ भनेदेखि त्यो नसोचे हुन्छ।’
उनले यही संविधान जारी गर्ने बेलामा पनि तथाकथित नाकाबन्दी गरेर रोक्ने प्रयास भएको स्मरण गरे।