रुपन्देही । रुपन्देहीको स्ववियु निर्वाचनमा नेविसंघले आफ्नो खाता खोलेको छ । शुद्धोधनमा ३ रमवापुरमा रहेको यज्ञोदय दुधनाथ थारु बहुमुखी क्याम्पसमा नेविसंघको प्यानल विजयी भएको हो ।
संयुक्त प्यानललाई पराजित गर्दै आदेश राना नेतृत्वको नेविसंघको प्यानल विजयी भएको हो । रानाले ३१५ मत ल्याएर विजयी भएको क्याम्पसका निर्वाचन अधिकृत भिम प्रसाद सापकोटाले बताए ।
उनका प्रतिस्पर्धी संयुक्त प्यानलका अन्जिता चौधरीले १४४ मत ल्याएर पराजित भएकी छन् । सचिवमा रम्भा थारुले ३०१ मत ल्याएर विजय भइन भने सयुक्त प्यानलबाट अतुल मिश्र १५७ मत ल्याएर पराजित भए ।
त्यस्तै कोषाध्यक्षमा माधव कुमार कडेल ३२३ मत ल्याएर निर्वाचित भएका हुन् । उनका निकटतम प्रतिद्वन्दी हसिबुन निशाले १५० मत ल्याइ पराजित भइन् । खुल्ला सदस्यहरुमा किसन थारु,सानिया चालिसे,सुरेन्द्र पाठक,कृष्ण बहादुर लोनिया,अनुराधा कुमारी हरिजन निर्वाचित भएको क्याम्पसले जनाएको छ ।
यस्तै समानुपातिकतर्फ नेविसंघले मत प्राप्त गर्दै ५ जना सदस्य, अनेरास्ववियुले १४३ मत प्राप्त गर्दै २ जना सदस्य प्राप्त गरेको छ भने अखिल क्रान्तिकारीले १७ मत प्राप्त गरेको छ ।
क्याम्पसमा अनेरास्ववियु र अखिल (क्रन्तिकारी)तालमेल थियो भने नेविसंघ एकल प्रतिस्पर्धामा थियो । क्याम्पसमा ५५० जना विद्यार्थी रहेकोमा ४६७ जनाले मतदानमा भाग लिएका थिए ।