देउवा-लेखकसहित कांग्रेसका शीर्ष नेता बालुवाटारमा

काठमाडौं । प्रधानमन्त्री केपी शर्मा ओलीले सत्तारुढ दल नेपाली कांग्रेसका सभापतिसहितका नेताहरुसँग छलफल गरेका छन् ।

प्रधानमन्त्री निवास बालुवाटारमा आइतबार अपराह्न भएको छलफलमा नेकपा एमालेका वरिष्ठ उपाध्यक्ष ईश्वर पोखरेल, उपप्रधान एवम् अर्थमन्त्री विष्णु पौडेल कृषिमन्त्री रामनाथ अधिकारी थिए ।

त्यस्तै, कांग्रेसका सभापति शेरबहादुर देउवा, उपसभापति पूर्णबहादुर खड्का, गृहमन्त्री रमेश लेखक र परराष्ट्र मन्त्री डा. आरजू राणालगायत सहभागी थिए ।

भिजिट भिसामा जानेबाट शुल्क असुल्ने गरेको भनेर त्रिभुवन विमानस्थलको अध्यागमनका अधिकारीमाथि छानबिन भइरहेको र गृहमन्त्री लेखकको पनि संलग्नता रहेको भन्दै राजीनामा माग भइरहेको छ ।

यही बेलामा दुई दलका शीर्ष नेताहरुबीचको गृहमन्त्री लेखकसहितकाे छलफललाई अर्थपूर्ण रुपमा हेरिएको छ ।