काठमाडौं । नेकपा (एकीकृत समाजवादी) केन्द्रीय आन्दोलन संयोजन कमिटीले यसअघि तय गरेको आन्दोलनको कार्यक्रमको कार्यतालिका परिवर्तन गरेको छ।
विकसित राजनीतिक घटनाक्रमलाई दृष्टिगत गरेर कमिटीले ‘सुशासन र रोजगारी, समाजवादको तयारी’ भन्ने नाराका साथ चैत्र १ गते पत्रकार सम्मेलन गरेर पहिलो चरणको आन्दोलन घोषणा गरेको थियो।
महासचिव घनश्याम भुसालले पार्टी पङ्क्तिमा परिपत्र जारी गर्दै राजावादीहरूले पार्टी कार्यालयमा गरेको आगजनी र तोडफोड यसअघि घोषणा गरिएको कार्यतालिकामा केही संशोधन गरिएको बताएका छन्।
परिपत्रमा भनिएको छ, आन्दोलनकै क्रममा हामीले पार्टीको वैचारिक तथा साङ्गठानिक विस्तार गर्दै अगाडि बढ्ने सङ्कल्प गरिसकेका छौँ । यो एउटा लामो प्रक्रिया हो । सम्पूर्ण पार्टीलाई त्यसतर्फ अगाडि बढाउने क्रममा कतिपय नयाँ समस्याहरू आउनु र कतिपय अन्योलहरू देखा पर्नु स्वाभाविक हुन्छ । त्यस अवस्थामा हामीले हाम्रा कार्यक्रमलाई पुनर्संयोजन गर्दै अगाडि बढ्नु पर्ने हुन्छ ।
संशोधन गरिएको कार्यतालिका
चैत्र १ गते पत्रकार सम्मेलन गर्ने
-पत्रकार सम्मेलनमा मुलुकको अर्थ राजनीतिक सङ्कट र त्यसको समाधान सम्बन्धी हाम्रो अभियानबारे धारणा राख्ने र त्यसबारे सार्वजनिकरुपमा सुझावहरू आह्वान गर्ने यो कार्यक्रम सम्पन्न भइसकेको छ।)
-चैत्र २–७ सम्म प्रदेशका आधारमा जिल्ला कमिटीहरूको संयुक्त भर्चुअल बैठक गर्ने (यो कार्यक्रम सम्पन्न भइसकेको छ।)
-२०८२ वैशाख १० गते संघीय सरकारमा माग पत्र पेश गर्ने ।
-२०८२ वैशाख १४ गते प्रदेश सरकार र जिल्ला प्रशासन कार्यालयमा सम्बन्धित प्रदेश र जिल्लाका माग पत्र बुझाउने ।
– वैशाख २२ र २३ गते पालिका र वडा कार्यालयहरूमा सम्बन्धित पालिका र वडाका माग पत्र बुझाउने ।
– वैशाख २५ गते दोस्रो चरणको कार्यक्रम घोषणा