Take a fresh look at your lifestyle.

गठबन्धनको साथमा प्यूठानको गाैमुखीमा अखिल छैठाैंका प्रविन जिसी विजयी

रूपन्देही । प्यूठानको गौमुखी क्याम्पस मच्छीमा अखिल (छैठौं) का प्रविन जिसी स्वतन्त्र विद्यार्थी युनियनको अध्यक्षमा निर्वाचित भएका छन् ।

मंगलबार साँझ सम्पन्न मतगणना अनुसार जिसी नेतृत्वको प्यानल भारी मतसहित विजयी भएको हो ।

जम्मा मतदाता ३६५ रहेको क्याम्पसमा २४१ मत खसेको थियो । जसमा संयुक्त प्यानलबाट अध्यक्षमा निर्वाचित जिसीले १६४ मत ल्याए भने उनका प्रतिद्वन्दी अनेरास्ववियुकी स्नेहा केसीले ७३ मत ल्याइन् ।

यस्तै, सचिवमा नेविसंघका शंकर थापा (१६४), कोषाध्यक्ष अखिल क्रान्तिकारी नेगन खत्री (१६३) मत सहित विजयी भए ।

सदस्यहरू प्रतीक्षा केसी, सुशीला सुनार, रिखुराम पोख्रेल, सिर्जना खत्री र अस्मिता महतारा विजयी भए ।

Leave A Reply

Your email address will not be published.