काठमाडौं । तीनकुनेको आन्दोलनलाई भड्काएको आरोपमा पक्राउ परेका राप्रपाका वरिष्ठ उपाध्यक्ष रवीन्द्र मिश्र र सांसद एवं महामन्त्री धवलशमशेर राणालाई अदालतले तेस्रोपटक म्याद थपको अनुमति दिएको छ ।
काठमाडौं जिल्ला अदालतले ४१ जनामध्ये मिश्र र राणासहित राज्यविरुद्धको कसुर लगाइएकालाई थप १५ दिन र अरुको हकमा २० दिन हिरासतमा राखेर अनुसन्धान गर्न अनुमति दिएको जिल्ला प्रहरी परिसर काठमाडौंका प्रवक्ता एसपी अपिलराज बोहराले नेपाल प्रेसलाई जानकारी दिए ।
अघिल्लो शुक्रबार पक्राउ परेका उनीहरूमध्ये आपराधिक उपद्रव र संगठित अपराधमा ३० जना र राज्यविरुद्धको कसुरमा ११ जना गरी ४१ जनालाई पहिलो पटक अघिल्लो आइतबार ५ दिन, बुधबार दोस्रो पटक ६ दिन म्याद थप भएको थियो ।